15.7°C, 6Bft. Inloggen

Veurbesjouwing RSM Saurus International Regatta

Competitieroeiverslag - 06 mei 2022 - 18:29 - Door Hannah Godding

Wilse ein stökske vloaj?

Aankommend weekend mage vir gans noar ‘t zonnige zuuje aafreize veur de Saurus International Regatta. In ös sjoen Mestreech zal dit weekend gestrede wuure op de Moas (of in idder geval bienoa op de Moas) tösse de prachtige heuvels vaan ‘t Limburgs landsjap.  

Dees wedstrijd zal letterlik op ‘t rendsje vaan ‘t land wure geroeid, aangezeen de SIR zich deils in ös Nederland en deils in Belsj aafspeuld. Erg sjiek veur de lui die sinds corona nog neet in ‘t boeteland zien gewees, die kinne noe metein ein bietsje vakantie geveul ervare.  

Vanoet Proteus doan d’r maar leefs 22 ploog mit, woaronger ös Döpkes vaan de Sjtuurboordbokaal. Zee hubbe zich allemoal tot noe good beweze in de bokaal, en vir zien natuurlik niesjierig of (D)FC BARF eure ierste plaats kin behalde.  

Ös ouwerejoars vaan de Sprintbokaal zien ouch aanwezig um de ier vaan Proteus te verdeidige. Loate vir hoape det de hieren van Beunen tot we Kreunen dit kier ‘t snoeke achterwege loate. Doanève starten d’r nog twie skiffende hieren onger de geweldige noame SIR Skiffalot: Return of the Sculler, en Karbonkel: brakke Barry in z’n badkuip.  

Los vaan alle serieuze roeiers goan de lui vaan de Toercie dit weekend ouch unne kier op ‘t water begève in plaats vaan eur iewige gewandel op de kant. Dus schrik neet wannier se ein 8+ en/of ein C4+ mit knalgele truie veurbeej zuus komme.  

Aangezeen dit de einige kier is det lui kinne vloajen in plaats van taarten in dees bokaal, liggen de verwachtingen hoeg! Succes allemoal!